Print

 

~ Ibérico A Estrada 2016 ~

O pasado ano 2015 os Irmandinhos asumiron dous retos moi importantes para un clube deportivo, a organización de dúas datas clave: a segunda rolda Ibérica e a primeira rolda do Pan European.

Para un clube que conta con apenas catro anos de vida, e que naceu sendo unha xuntanza de amigos que probaban un deporte irlandés; organizar dúas datas de gran importancia e peso no panorama do gaélico, afrontouse con gañas, ilusión e moita valentía.

Faga click para ver un resumo do pasado Torneo Ibérico de A Estrada, 2015:

youtube

Logo do éxito na planificación e o desenvolvemento de ambos torneos; este ano recollemos a testemuña dos Fillos de Breogán que organizaron a primeira rolda ibérica o pasado 12 de Marzo deste 2016, e preparámonos para presentarvos o cartaz da segunda e derradeira rolda clasificatoria do campionato ibérico.

 

É un pracer amosarvos o froito do traballo de varias semanas, do que é para nós o primeiro gran desafío deste ano.

 cartaz iberico 2016

A madeira, seña de indentidade do concello estradense, presente no cartaz

 

 

A data será o vindeiro día 2 de Abril, onde se coñecerán os equipos que representarán a nosa comunidade na rolda final en Madrid. O Campo NovoSan Martiño de Callobre e Manuel Regueiro son os lugares escollidos para facer de A Estrada capital do gaélico galego por un día.

 

Organizar un torneo destas dimensións onde participan 21 equipos en total non é tarefa sinxela,  polo que queremos agradecer a todos os colaboradores a axuda emprestada para impulsar o evento:

 

 

Para máis información sobre horarios, novidades, participantes e demais aspectos importantes sobre o torneo:

 

Agardamos que acollades esta data con tanta ilusión como dende Irmandinhos se está a facer, e gocemos este vindeiro 2 de Abril dunha festa onde convivan a deportividade e os valores do fútbol gaélico, un deporte irlandés en auxe en Galicia. 

 

Hits: 1433